Qazkommertsbank Qazaqstandaǵy alǵashqy kontaktisiz tólem kartalaryn shyǵara bastady

Bul Visa banktik kartasy arqyly tuńǵysh tranzaktsııa Esentai Mall-daǵy Burger King jyldam qyzmet kórsetý meıramhanasynda jasaldy.

Visa kompanııasynyń Almatydaǵy keńsesiniń basshysy Ǵalym Tabyldıevtiń aıtýynsha, álemniń birqatar elderinde qoldanylyp jatqan ınnovatsııalyq bul ónim endi qazaqstandyqtar úshin de qoljetimdi bolyp otyr. Endi jyl sońyna deıin Qazkommertsbankpen birlesip uıaly telefon arqyly júzege asyrylatyn taǵy bir ınnovatsııalyq ónimdi paıdalanýǵa bermek. Al TMD jáne Ońtústik Shyǵys Eýropa elderindegi ınnovatsııalyq ónimder departamentiniń jetekshisi Andreı Aleıkınniń sózine qaraǵanda, payWave kartasymen esep-aıyrysý ádettegi tólem kartasy arqyly esep-aıyrysýdan 4 ese, al qolma qol tólemnen 3 ese jyldam. Oǵan 2 másele sebepshi bolyp otyr. Birinshiden, klıent kartasyn kassırge bermeı-aq ony termınalǵa jaqyndatý arqyly tólemdi ózi jasaıdy. Ekinshiden, Visa payWave arqyly 4 myń teńgeden aspaıtyn saýda jasaǵan ýaqytta kartanyń ıesine PIN-kodty engizý nemese qoltańbasyn qoıýdyń qajeti joq. Jalpy payWave kartalary arqyly kólikke janar-jaǵar maı quıýda, sýpermarketter men kosmetıkalyq dúkender jelisinde kontaktisiz tólem jasaýǵa bolady.