Qazkommertsbank artyqshylyqty aktsııalar boıynsha dıvıdend tóledi
ALMATY. 14 jeltoqsan. QazAqparat /Erlik Erjanuly/ - "Qazkommertsbank" AQ "Aktsıonerlik qoǵamdar týraly" QR Zańynyń 24-babynyń 3-tarmaǵyna sáıkes artyqshylyqty aktsııalar boıynsha 10 jeltoqsannan dıvıdend tóleýdi bastady.
Ol endi kúntizbe boıynsha 1 jyl ishinde qolma-qol tólemsiz aktsıonerlerdiń banktik shotyna aýdarý arqyly júzege asyrylatyn bolady. Jalpy dıvıdend tóleýge jatatyn tólemniń somasy árbir aktsııaǵa 0,04 dollardan eseptegende 4 mıllıon 984 myń 115 dollardy qurady. Ornalastyrylǵan aktsııalar sany - 124 602 875 dana bolatyn. Aktsıonerlerge tólenetin tólemniń kólemi 734 558 868,7 teńge. Al alýshylardyń banktik rekvızıtteri joq bolǵandyqtan tólenbegen dıvıdentter - 22 555,02 teńgeni qurady. Jalpy artyqshylyq aktsııaǵa dıvıdent alý quqy bar aktsıonerlerdiń tizimi 10 qarashada jasalǵan bolatyn.
