«Qazkommertsbank» AQ-nyń Basqarma men Dırektor keńesinde ózgerister boldy

ALMATY. 2 naýryz. QazAqparat - «Qazkommertsbank» AQ-y búgin   Erik Balapanov 24 aqpannan bastap Basqarma quramynan shyǵarylǵanyn málimdedi.

2003 jyldan beri Basqarýshy dırektor bolyp jumys jasaıtyn ol bul qyzmetten óz ótinishi boıynsha ketken. Sol sebepti onyń «Grantým» zeınetaqy jınaqtaý qory, «GRANTUM ASSET MANAGMENT» zeınetaqy aktıvterin ınvestıtsııalar arqyly basqarý uıymy, «Kazkommerts Life» ómirdi saqtandyrý kompanııasy, Kazkommerts-Polıs» saqtandyrý kompanııasy» AQ-dary sııaqty enshiles uıymdardyń Dırektorlar keńesiniń tóraǵasy ókildigi de merziminen buryn toqtatylyp otyr.

Ekonomıka ǵylymdarynyń kandıdaty 42 jastaǵy Erik Balapanov Banktegi korporatıvti bızneske jetekshilik etken edi. Qazkommertsbankke kelgenge deıin Qazaqstan damý banki basshylarynyń biri boldy. Almaty halyq sharýashylyǵy ınstıtýtyn ekonomıka, Eýrazııalyq naryq ınstıtýtyn qarjyger mamandyǵy boıynsha bitirgen. Qazaq, orys jáne aǵylshyn tilderin biledi.