«Qazkom» 500 mln AQSh dollaryna evrobondtyń úsh shyǵarylymyn satyp alady - K.Raqyshev

ALMATY. QazAqparat - «Qazkom» 500 mln AQSh dollaryna evrobondtyń úsh shyǵarylymyn satyp alady. Bul týraly «Qazkommertsbank» AQ dırektorlar keńesiniń tóraǵasy Keńes Raqyshev baspasóz máslıhaty barysynda málim etti.

Ol BTA dıretkorlar keńesiniń basshysy bolǵan kezde jumys istemeı turǵan 1 mlrd dollar bolatyn aktıvti qaıta aınalymǵa keltirgenin aıtty.

«Sol ýaqyt aralyǵynda bizdiń komandamyz bankke 1 mlrd dollar qaıtardy. «Kazkom» jaqyn arada quny 300-500 mln dollar bolatyn evrobond satyp alýdy josparlap otyr. London bırjasy ashylǵan kezde, resmı málimdeme jasaımyz», - dedi K.Raqyshev.

Onyń aıtýynsha, BTA bankiniń bazasynda nashar aktıvterdi basqarý qoryn qurý úshin sheteldik ınvestorlarmen kelissózder jalǵasyp jatyr.

Jumys nátıjesinde, nashar aktıvterdi paıdalyǵa aınaldyrý kórsetkishi arta túspek.