Qazirgi jaǵdaıda bızneske aýyrtpalyq júktemeý kerek - Nurlan Nyǵmatýlın

NUR-SULTAN. QazAqparat – Parlament Májilisiniń Tóraǵasy Nurlan Nyǵmatýlın EAEO kedendik aýmaǵynda otandyq bıznestiń múddesine erekshe mańyz berý kerektigin aıtty, dep habarlaıdy QazAqparat tilshisi.

Aıta ketsek Úkimet basshysynyń orynbasary – Qarjy mınıstri Álıhan Smaıylov Parlament Májilisine EAEO kedendik aýmaǵyna ákelingen taýarlardy qadaǵalaý tetigi boıynsha kelisimdi ratıfıkatsııalaý týraly zań jobasyn engizgen bolatyn.

Álıhan Smaıylov aıtyp ótkendeı kelisimge 2019 jyly 29 mamyrda Nur-Cultandaǵy Joǵarǵy Eýrazııalyq ekonomıkalyq keńes otyrysynda EAEO múshe memleketter basshylary qol qoıǵan. Zań aıasynda EAEO-ǵa múshe memleketter ımporttyq taýarlardy baqylaıtyn Ulttyq qadaǵalaý júıesin qurady.

Atalmysh zań jobasyn engizerge Parlament Májilisiniń Tóraǵasy Nurlan Nyǵmatýlın Álıhan Smaıylov bir máselege nazar aýdarý qajet ekenin aıtty.

«Bul jumys árıne kerek. Biraq eń mańyzdy másele – bızneske aýyrtpalyq salmaý kerek. Ásirese qazirgi jaǵdaıda. Jalpy shaǵyn jáne orta bıznestiń jaǵdaıyn jaqsy bilesiz. Sondyqtan myna zań jobasyn engizgen kezde eń aldymen – bızneske aýyrtpalyq júktemeý máselesin umyt qaldyrmaǵan abzal. Osyny eskerýimiz kerek», - dedi Nurlan Nyǵmatýlın Parlament Májilisiniń jalpy otyrysynda.