Qazirgi zeınetaqy qorlary da, bolashaqta qurylatyn BJZQ da «Halyqtyq ІRO» baǵdarlamasyna qatysa alady - Q.Kelimbetov
ASTANA. 18 naýryz. QazAqparat - «Halyqtyq ІRO» baǵdarlamasy burynǵydaı negizinen jeke tulǵalardyń múddesine oraı jumys isteıtin bolady.
Bul týraly búgin Astanada ótken baspasóz máslıhatynda QR Premer -Mınıstriniń orynbasary Qaırat Kelimbetov málimdedi.
«Ózderińizge belgili, Biryńǵaı jınaqtaýshy zeınetaqy qory týraly zań 1 shildede kúshine enedi. Al «KEGOC» AQ aktsııalary 1 shildege deıin shyǵarylatyndyqtan, oǵan qazirgi jınaqtaýshy zeınetaqy qorlary qatysa alady», - dep atap ótti ol.
Al aǵymdaǵy jyldyń ekinshi jartysynda aktsııalary baǵaly qaǵazdar naryǵyna shyǵarylatyn «QazTransGaz» kompanııasynyń aktsıoneri bolýǵa jańa BJZQ-nyń tolyq múmkindigi bar.
«Degenmen, meniń oıymsha, oǵan sol kezde zeınetaqy aktıvterin basqarý kompanııalary bolyp qaıta qurylǵan burynǵy zeınetaqy qorlary da qatysa alady. Bul máseleniń basy áldeqashan ashylyp qoıǵan», - dedi Q.Kelimbetov.
