Qazirgi zamanǵy óner murajaıynda 19 sýretshiniń Astanaǵa arnaǵan kórme vernısajy ashyldy
ASTANA. 14 qarasha. QazAqparat - Astanada Qazirgi zamanǵy óner murajaıynda «Astana - beıbitshilik jáne bolashaq qalasy» atty kórme aıasynda 19 elordalyq sýretshiniń jumystary qoıyldy.
Búgin ashylǵan kórme vernısajynda 43-ten astam týyndy usynylǵan. Sonymen qatar qylqalam sheberlerimen kezdesý uıymdastyryldy. Sýretterdiń basty taqyryby - Astana, qala peızajdary.
«Qysqa merzimniń ishinde táýelsiz Qazaqstan aıaǵynan nyq turyp, zaıyrly memleket retinde qalyptasyp úlgerdi. Astana elimizdiń júregine jáne bas qalasyna aınaldy. 1999 jyly ıÝNESKO-nyń sheshimimen elordamyzǵa «álem qalasy» ataǵy berildi. Osylaısha onyń halyqaralyq deńgeıde de ataq-dańqy artty. Astana - árbir qazaqstandyqtyń, kópultty halqymyzdyń maqtanyshy. Sondyqtan biz búgin Astana qalasyna arnalǵan kórme ashýdy oıladyq», - deıdi murajaı dırektory Nellı Shıvrına.
Kórmede ár býynnyń 19 sýretshisi óziniń jumystaryn qoıyp otyr. Olardyń qatarynda Qalıolla Ahmetjan, Kamıl Mýllashev, Alekseı Terehov, Nına Tereşenko, Larısa Janpeıisova, Tileýjan Batanov, Májıt Báıtenov, Gúlmıra Telǵozıeva, Jeńis Kákenuly, Márııash Mahambet-Kenı syndy tanymal elordalyq qylqalam sheberleri, sonymen qatar «Shabyt» shyǵarmashyl jastar festıvaliniń ár jyldardaǵy laýreattary Qazaqbaı Ájibekuly, Sergeı Baıbýza, Beıbit Ásemqul jáne taǵy basqalar bar.
«Astana - beıbitshilik jáne bolashaq qalasy» atty kórme 14 qarashadan 3 jeltoqsanǵa deıin ótedi.
