Qazirgi zaman talaby tıimdi memlekettik basqarý júıesi men shaǵyn Úkimet qurý - N.Nazarbaev.
ASTANA. QazAqparat - Qazirgi zaman talaby tıimdi memlekettik basqarý júıesi men shaǵyn Úkimet qurý.
Búgin Aqordada ótip jatqan Úkimettiń keńeıtilgen otyrysynda Memleket basshysy Nursultan Nazarbaev osylaı aıtty, dep jazady Aqordanyń baspasóz qyzmeti tvıtterde.
«Tek sońǵy jyldarda ǵana mınıstrlikter arasyndaǵy qujat aınalymy 3-4 ese ósken. Memlekettik qyzmetkerlerdiń sany 2003 jyldan beri 8,5 myńǵa jýyq adamǵa ósip, qazir 90 myńdy qurap otyr. Sondyqtan kez kelgen basshy óz apparatyn qalaı jetildirý kerektigin oılaýy qajet. Al qyzmetkerler shtatyn kóbeıte berýdiń ne qajeti bar?» - dedi Memleket basshysy.
«Shynymen de qazir bizge shaǵyn ǵana Úkimet quryp, sheshim qabyldaý ortalyǵyn mınıstrlikter deńgeıine aýystyrý qajet. Men mynadaı sheshim qabyldadym: Úkimettiń jańa quramy 12 mınıstrlik pen 30 komıtetten qurylatyn bolady», - dedi Elbasy.
