Qazirgi vırýstar antıbıotıkterge tózimdi - DDSU ókili
ASTANA. QazAqparat - Antıbıotıkterge qarsy turýshylyq 22 eldegi jarty mıllıon adamda - kedeılerde de, baılar da baıqalǵan, dep jazady BUU Jańalyqtar ortalyǵy.
Dúnıejúzilik densaýlyq saqtaý uıymynyń (DDSU) sarapshylary habarlaǵandaı, antıbıotıkterge tózimdilik qalyptastyrǵan bakterııalar arasynda - ishek taıaqshasy, salmonella, sondaı-aq altyn tústes stafılokkok pen basqa da pnevmonııa, menıngıt jáne birqatar qaýipti aýrý qozdyrǵyshtary bar.
«Antıbıotıkterge tózimdilik máselesi óte kúrdeli ekendigin baıandama rastap otyr, - dedi DDSU ókili Mark Sprenger.
«Eń kóp taralǵan jáne eń qaýipti ınfektsııalardyń keıbiri dárilerge tózimdi bolyp barady. Mine, sondyqtan DDSU barlyq elderdi derekteri jahandyq júıege túsip otyratyn tózimdilikti baqylaýǵa múmkindik beretin senimdi júıe engizýge shaqyrady».
Qazirgi tańda 52 el atalmysh Jahandyq mıkrobtarǵa qarsy dárilerge tózimdilikti epıdemıologııalyq baqylaý júıesin qoldanyp otyr.
