Qazirgi ýaqytta volonter degen sózdiń salmaǵy bar – Gúlmıra Abdrasheva
«Klýb Dobrıakov» eriktiler qozǵalysy elimizdiń jeti aımaǵynda ashylǵan. Bul klýb qaı aımaqta ashylsa da sol mańda ornalasqan eldi mekenderdegi adamdar men janýarlarǵa kómektesedi degen qaýly shyǵarylady. Mysaly, elordadaǵy klýb elorda mańynda ornalasqan 32 aýylǵa kómektesedi. Janýarlar dúnıesin qorǵaý týraly zańnama shyǵatyny týraly jańalyq bizdi qýantty», - deıdi «Klýb Dobrıakov» eriktiler qozǵalysynyń negizin qalaýshy Gúlmıra Abdrasheva.
Onyń aıtýynsha, volonterlikpen aınalysqanyna 15 jyl bolsa, «Klýb Dobrıakov» eriktiler qozǵalysynyń ashylǵanyna 6 jyl bolǵan.
«Qazirgi ýaqytta volonter degen sózdiń salmaǵy bar. Tipti volonter bolý sánge aınalyp barady jáne men bul ıdeıany qoldaımyn. Bul jyl volonterler jyly dep jarııalanýynyń ózi memleket tarapynan úlken qoldaý dep sanaımyn», - deıdi ol.