Qazirgi ýaqytta respýblıkamyzda jalpy 22 mlrd. tonna qaldyq jınalǵan, onyń 7 mlrd. tonnasy qaýipti

Bul týraly búgin Parlamentte «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgertýler men tolyqtyrýlar engizý týraly» Zań jobasyn tanystyrǵan Qorshaǵan ortany qorǵaý mınıstri Nurǵalı Áshimov málim etti.

Onyń atap ótýinshe, eń aldymen zań jobasy mańyzdy ekologııalyq másele - jınaqtalǵan qaldyqtar kóleminiń artý problemasyn sheshýge baǵyttalǵan. 2007 jyly QR Prezıdenti N.Nazarbaev Sheteldik ınvestorlar keńesiniń 18-otyrysynda óndiris jáne tutyný qaldyqtaryn óńdeý máselesin sheshýdi tapsyrǵan da bolatyn.

«Biz memlekettik organdarmen jáne Bas prokýratýramen birlesip, jınaqtalǵan qaldyqtardyń barlyq kólemi úshin qosymsha tólemdi engizý týraly usynys berdik. Respýblıkamyzda kóp jyldardan beri jınaqtalǵan qaldyqtardyń kólemi azaımaıdy. Kerisinshe, olardyń kóbeıý úrdisi baıqalýda. Qazirgi ýaqytta respýblıkamyzda jalpy 22 mlrd. tonna qaldyq jınalǵan. Olardyń ishinde 7 mlrd. tonnasy qaýipti qaldyqtar», - dedi mınıstr.

N.Áshimovtiń alǵa tartqan derekterine qaraǵanda, sońǵy 3 jyldaǵy qaldyqtardyń túzilý dınamıkasyna sáıkes, ár jyly túziletin qaldyqtardyń ortasha eseppen alǵanda 20 paıyzy ǵana kádege jaratylady eken. ıAǵnı jylyna 500 mıllıon tonna qaldyq jınalǵan kúnniń ózinde de zııandy zattardyń qalatynyn kórsetip otyr.

«Osyndaı úrdispen 2020 jylǵa deıin 28 mlrd. tonna qaldyq jınaqtalady dep kútilýde», - dedi ol.