Qazirgi ýaqytta halyq sanaǵyna qatysty is-sharalar ótkizilmeıdi - Statıstıka komıteti

NUR-SULTAN. QazAqparat – Qazirgi ýaqytta halyq sanaǵyna qatysty is-sharalar ótkizilmeıdi, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.

«Áleýmettik jeli men messendjerlerde alaıaqtyqtyń jańa bir túri paıda bolǵany týraly aqparat taralýda. Qoldaryna papka ustaǵan, kýálikteri bar, aq jeıdedegi jastar ózderiniń ákimdikten ekendikterin jáne halyq sanaǵyn júrgizip júrgenderin habarlaı otyryp, úılerdi aralaýda.

Osyǵan baılanysty QR Ulttyq ekonomıka mınıstrligi Statıstıka komıteti qalyń jurtshylyq pen turǵyndarǵa aqparat berý maqsatynda mundaı «siltemelerdiń» shyndyqqa janaspaıtynyn jáne halyq sanaǵyn ótkizýge eshqandaı qatysy joq ekenin resmı túrde habarlaıdy», delingen habarlamada .
Komıtettiń málimdeýinshe, eldegi koronovırýs ınfektsııasynyń taralýy boıynsha qalyptasqan jaǵdaıǵa jáne qatań karantın shekteý sharalarynyń eńgizilýine baılanysty, QR Úkimeti Ulttyq halyq sanaǵyn ótkizý merzimin keıinge qaldyrý týraly máseleni qarastyrýda.
«Osyǵan baılanysty, qazirgi ýaqytta halyq sanaǵyna qatysty is-sharalar ótkizilmeıdi», delingen habarlamada.