Qazirgi ýaqytta elimizde bir ǵana respýblıkalyq joldyń ýchaskesi jabyq
ASTANA. 2 aqpan. QazAqparat - Qazirgi ýaqytta elimizde bir ǵana respýblıkalyq jolda kólik qozǵalysy shektelip otyr. Bul týraly búgin «Qazaqavtojol» RMK-nyń baspasóz qyzmetinen habarlandy.
Atap aıtqanda Almaty oblysy aýmaǵyndaǵy boranǵa baılanysty keshe saǵat 14.00 bastap «Úsharal-Dostyq» avtojolynyń 0-184 shaqyrymy aralyǵynda avtokóliktiń barlyq túrleriniń jol jabyldy.
Atalǵan jolda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
