Qazirgi ýaqytta biz kardıohırýrgııa salasyna álemde bar eń zamanaýı tehnologııalardy engizdik - «Qazaqstannyń Eńbek Eri» ıÝ.Pıa
ASTANA. 14 jeltoqsan. QazAqparat - Qazirgi ýaqytta biz kardıohırýrgııa salasyna álemde bar eń zamanaýı tehnologııalardy engizdik. Bul týraly búgin «Qazaqstannyń Eńbek Eri» erekshe belgidegi nagradasyn QR Prezıdenti qolynan alǵan Ulttyq kardıohırýrgııa ortalyǵynyń tóraǵasy, medıtsına ǵylymdarynyń doktory ıÝrıı Pıa málim etti.
«Búgin biz Prezıdent qolynan nagradalar aldyq. Bul barlyq medıtsına qyzmetkerleriniń jemisti eńbeginiń elengeni ekendigin basa aıtqym keledi. Memlekettik kardıohırýrgııanyń qalaı qalyptasqanyn Sizder barlyqtaryńyz bilesizder. 2007-2011 jyldarǵa arnalǵan memlekettik baǵdarlama qabyldandy. Sol kezden bastap úlken serpin baıqaldy. Barlyq aımaqtarda kardıohırýrgııa men kardıologııa qarqyndy damı bastady. Kardıohırýrgııalyq ortalyqtyń salynýyna barlyq densaýlyq saqtaý qyzmetkerleri atsalysty, etikpen qurylysta júrgenimiz esimizde. Sonyń jemisin búgin barsha qazaqstandyqtar kórip otyr. Qazirgi ýaqytta biz kardıohırýrgııa salasyna álemde bar eń zamanaýı tehnologııalardy engizdik. Olardyń barlyǵy óte qymbat qurylǵylar. Osynyń barlyǵyna Úkimet pen Densaýlyq saqtaý mınıstrligi qoldaý jasady. Osyndaı ózara túsinstik úshin barlyq medıtsına qyzmetkerleri atynan alǵys aıtamyn», - dedi ol QR Densaýlyq saqtaý mınıstrliginde ótken jıynda.
«Medıtsına salasynyń damý qarqynyna qarap, osynyń barlyǵy Táýelsizdiktiń arqasy ekendigin shynaıy sezinesiń. Men jaqynda Parıjde ótken eýropalyq sammıtten oraldym. Onda Qazaqstanǵa sammıtti ashý úshin alǵashqy sóz berildi. Negizgi baıandamashy retinde usynǵan. «Júrek transplantatsııasy salasyn damytýdyń qazaqstandyq modeli» taqyryby arnaıy qoıyldy. Bul Qazaqstandy moıyndaý, bizdiń Táýelsizdigimizdi moıyndaý dep bilemin», - dep túıdi sózin ıÝ.Pıa.
Aıta keteıik. búgin Prezıdent birqatar adamǵa sol memlekettik nagradalardy tapsyrǵan bolatyn. Olardyń qatarynda «Qazaqstannyń Eńbek Eri» erekshe belgidegi nagradasyn QR Prezıdenti qolynan Ulttyq kardıohırýrgııa ortalyǵynyń tóraǵasy, medıtsına ǵylymdarynyń doktory ıÝrıı Vladımırovıch Pıa aldy.
