Qazirgi ýaqytta 1923 dinı kitapqa dintaný saraptamasy júrgizilýde
ASTANA. 15 mamyr. QazAqparat - Dinı ádebıetterdi belgilengen oryndardan tys, onyń ishinde kósheler men ǵımarat kireberisterinde taratý faktileri anyqtalýda. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Din isteri agenttiginiń tóraǵasy Qaırat Lama Sharıf málim etti.
Din isteri agenttigi men oǵan qarasty ǵylymı ortalyqtar júıeli negizde dinı ádebıetter men dinı mazmundaǵy aqparattyq materıaldarǵa saraptama júrgizýdi uıymdastyrdy. Túrli mazmundaǵy dinı ádebıetter, onyń ishinde jıi kezdesken ekstremıstik baǵyttaǵy ádebıetter Zań qabyldanǵanǵa deıin keńinen taratylǵan kórinedi.
«Dintaný saraptamasy elimizge ekstremıstik sıpattaǵy dinı ádebıettiń kelip túsýi úshin tosqaýyl qoıýǵa múmkindik beretin tıimdi qural boldy. Agenttik qyzmet etken ýaqyt ishinde 4344 dinı kitaptar men ózge aqparattyq materıaldarǵa saraptama júrgizdi. Saraptama júrgizilgen ádebıetterdiń ishinde 148-ine teris qorytyndy berildi. Qazirgi ýaqytta 1923 dinı kitapqa dintaný saraptamasy júrgizilýde»,-dedi agenttik basshysy.
Onyń sózine qaraǵanda, dinı ádebıetterdi jáne dinı mazmundaǵy ózge aqparattyq materıaldardy, dinı maqsattaǵy zattardy taratý úshin arnaıy turaqty úı-jaılardy ornalastyrý tártibi normatıvtik negizde bekitildi. Búgingi kúni ákimdikter respýblıka boıynsha 212 kitap dúkenderin anyqtady.
