Qazirgi tańda teńgeniń Reseı rýbline qatysty nyǵaıý áleýeti joǵary - D. Aqyshev
ALMATY. QazAqparat- Qazaqstannyń ulttyq valıýtasy - teńgeniń qazirgi tańda Reseı rýbline qatysty nyǵaıý áleýeti joǵary Bul týraly búgin Almatyda ótken baspasóz máslıhaty barysynda QR Ulttyq bankiniń tóraǵasy Danııar Aqyshev málim etti.
«Teńgeniń baǵamy 2016 jyldyń aqpan aıynan bastap, kúni búginge deıin - 15 paıyzǵa, ıaǵnı 1 rýbl úshin 4,6 teńgeden 5,3 teńgege deıin álsiredi. Al endi, bizdiń oıymyzsha, qazirgi tańda teńgeniń Reseı rýbline qatysty nyǵaıý áleýeti joǵary. Eger ishki jáne syrtqy ekonomıkalyq faktorlar saqtalatyn bolsa, teńgeniń qazirgi baǵamy da saqtalady. Alaıda, eger, munaı baǵasy bir barrel úshin 35 dollardan tómen túsetin bolsa, al Reseı rýbliniń baǵamy 1 AQSh dollary úshin 70 rýblden asatyn bolsa, onda teńge baǵamynda ózgerister oryn alýy múmkin», - dedi D. Aqyshev.
Sonymen qatar ol, teńge baǵamynyń kúrt ózgerýine Ulttyq bank eshqashanda jol bermeıtinigin basa aıtty.
«Teńgeniń álsireýine jol bermeý maqsatynda Ulttyq Bank 2016 jyldyń qańtar aıynan beri tuńǵysh ret shet el valıýtasyn satý formasynda valıýtalyq basqynshylyq jasady. Bizdiń satý túrindegi netto basqynshylyq -198,7 mln. AQSh dollaryn qurady. Al kerisinshe, 2016 jyldyń qańtar aıy men shilde aıy aralyǵynda shet el valıýtasyn satyp alý túrindegi valıýta basqynshylyǵy - 3 mlrd AQSh dollaryna jetti», - dedi D. Aqyshev.
