Qazirgi tańda temirjol kóligimen jylyna 18 mln. jolaýshy tasymaldanady-Á. Qusaıynov
ANA. 20 jeltoqsan. QazAqparat /Qanat Mámetqazyuly/ - Qazirgi tańda temirjol kóligimen jylyna 18 mln. jolaýshy tasymaldanady. Bul kórsetkish jyl saıyn artyp keledi. Búgin QR Parlamenti Májilisinde ótken Úkimet saǵatynda Kólik jáne kommýnıkatsııalar mınıstri Ábilǵazy Qusaıynov osylaı málim etti.
«Sondyqtan da, jolaýshy vagondarynyń jetispeýshiligi kezinde halyqtyń erkin qozǵalysyn qamtamasyz etý, vagondar parkin tıimdi qoldaný jáne eń aldymen ishki tasymaldy qamtamasyz etý úshin naqty is-sharalar qolǵa alynýda. Osy oraıda, halyqaralyq poıyzdarǵa tirkeletin vagondardyń tolýy nashar bolǵandyqtan olardy ishinara alyp tastaý týraly sheshim qabyldandy. Esesine, ishki tasymaldaǵy birqatar baǵyttardyń vagondar sany kóbeıtildi», - dedi Á. Qusaıynov.
Degenmen, mınıstrdiń aıtýynsha qazirgi tańda 80-90-jyldary satyp alynǵan vagondar parkiniń eskirýine baılanysty qolaılylyq deńgeıi tıisti dárejede bolmaı otyr. «Atap aıtqanda, jolaýshylar vagondarynyń jetispeýshiligi 500 danany quraıdy. Osy másele sheshimin tappasa joǵarydaǵy kórsetkish jyl ótken saıyn ulǵaıa beretini túsinikti. Ári bul máseleni tıimdi sheshý úshin aǵymdaǵy jyly Astana qalasynda «Talgo» kompanııasymen birlesip jaıly vagondardy shyǵaratyn zaýyttyń qurylysy bastaldy», - dedi Á. Qusaıynov.
