Qazirgi tańda Keden odaǵynyń kelisimdik-quqyqtyq bazasy is júzinde qurylymdaldy
ANA. 25 aqpan. QazAqparat /Marlan Jıembaı/ - Qazirgi tańda Keden odaǵynyń kelisimdik-quqyqtyq bazasy is júzinde qurylymdaldy jáne ol 70-ten astam halyqaralyq qujattan turady.
Bul týraly elordada ótken «Keden odaǵy: birinshi jyl qorytyndylary. BEK jolynda» atty halyqaralyq konferentsııa barysynda QR Ekonomıkalyq damý jáne saýda vıtse-mınıstri Tımýr Súleımenov aıtty.
2010 jyldan bastap úsh el arasyndaǵy Keden odaǵy kezeń-kezeńmen iske qosylǵanyn basa aıtqan ol: «Keden odaǵyn qurý jylynda aýqymdy jumystar atqaryldy. Bul óte qýatty saıası erik-jigerdiń ári bizdiń sarapshylarymyzdyń aıanbaı jumys isteýiniń nátıjesinde oryn aldy», - dedi.
Óz sózinde T.Súleımenov 2010 jyldyń 1 qańtarynan bastap biryńǵaı ımporttyq keden salyǵy, biryńǵaı kedendik tarıfter qoldanysqa engizilip, úshinshi elge qatysty biryńǵaı tarıftik sharalar týraly kelisim qabyldanǵanyn atap ótti. Sondaı-aq 2010 jyldyń 1 shildesinen bastap Kedendik kodeks qoldanysqa engizildi. Salyq salasynda janama salyq alý tártibin naqty reglamentteıtin janama salyq salýdyń normatıvtik-quqyqtyq aktileri ázirlendi.
«Sonymen qatar bıznes úshin aıtarlyqtaı jeńildikterge qol jetkizildi. ıAǵnı qurylymdalǵan normatıvtik-quqyqtyq bazalar bizdiń naqty kásiporyndar men sharýashylyq sýbektilerdiń paıdasyna sheshildi», - dedi vıtse-mınıstr.
