Qazirgi tańda Qazaqstan esirtki bıznesimen halyqaralyq kúrestiń «aldyńǵy shebinde» tur - Esirtki bıznesimen jáne esirtkiniń zańsyz aınalymymen kúres komıtetiniń tóraǵasy J.Súleımenov
ENA. Naýryzdyń 10-y. QazAqparat /Tımýr Bekturǵanov/ - Qazirgi tańda Qazaqstan esirtki bıznesimen halyqaralyq kúrestiń «aldyńǵy shebinde» tur jáne el basshylyǵy osy kúrestiń barynsha tıimdiligin qamtamasyz etý máselelerin sheshýge aıryqsha nazar aýdarýda.
Bul týraly Venada naýryzdyń 9-y kúni QazAqparat tilshisine bergen suhbatynda QR ІІM Esirtki bıznesimen jáne esirtkiniń zańsyz aınalymymen kúres jónindegi komıtetiniń tóraǵasy Janat Súleımenov aıtty.
J.Súleımenov Qazaqstan delegatsııasynyń quramynda BUU-nyń Esirtki zattary jónindegi komıssııasynyń naýryzdyń 8-12-si aralyǵynda Venada ótip jatqan 53-shi sessııasynyń jumysyna qatysýda. Komıssııa májilisiniń aıasynda qazaqstandyq tarap sheteldik seriktesterin esirtki bıznesimen kúres jónindegi Qazaqstan Respýblıkasynyń basshylyǵy qabyldap jatqan sharalar men otandyq esirtkige qarsy qurylymdardyń jumys nátıjeleri týraly habardar etedi.
«Esirtki bıznesimen kúres árqashan Qazaqstannyń quqyq qorǵaý organdary jumystarynyń basymdyqty baǵyttarynyń qatarynda. Bizdiń elimiz úshin esirtki problemasynyń ózektiligi eldegi shıkizat bazasynyń bolýymen ǵana emes, sonymen birge esirtki toptarynyń transshekaralyq mazmunymen de, birinshi kezekte, Aýǵanstannan tasymaldanatyn esirtkiniń tranzıttik baǵytynyń respýblıka arqyly ótýimen baılanysty», - deıdi J.Súleımenov.
Komıtet tóraǵasynyń atap kórsetýinshe, Qazaqstan basshylyǵy qalyptasqan jaǵdaıdy obektıvti baǵalaýda jáne halyqaralyq esirtki qaýpine qarsy kúreske bar kúsh-jigerlerin salýda.
