Qazirgi tańda Qazaqstan aýmaǵynda 43 mlrd. tonnadan astam qaldyqtar bar
ASTANA. Qyrkúıektiń 2-si. QazAqparat /Ernur Aqanbaı / - 2010 jylǵy qańtardaǵy málimetter boıynsha, Qazaqstan aýmaǵynda 43 mlrd. tonnadan astam qaldyqtar bar. Bul týraly búgin Úkimet otyrysynda Qorshaǵan ortany qorǵaý mınıstri Nurǵalı Áshimov aıtty.
Onyń aıtýynsha, olardyń shamamen 600 mln. tonnasy ýly qaldyqtar. Atalǵan kólem jyl saıyn shamamen 700 mıllıon tonnaǵa ulǵaıýda. «Elimizdiń aýmaǵynda birshama tózimdi organıkalyq lastaýshylardyń, hrom men qorǵasyn, mys sııaqty aýyr metaldardyń aıtarlyqtaı kólemderi jınaqtalǵan. Elimizdiń 1 turǵynyna orta eseppen 1,5 myń tonna ónerkásip jáne turmys qaldyǵy tıesili. Bul kórsetkish Eýropa memleketteriniń jınaqtalǵan qaldyqtarynyń deńgeıinen áldeqaıda artyq», dedi mınıstr.
