Qazirgi tańda ınfraqurylymdyq oblıgatsııa shyǵarýda memlekettik-jeke seriktestiktiń 2 jobasy jumys jasaýda - Nurjan Alımýhambetov
ALMATY. 11 maýsym. QazAqparat /Erlik Erjanuly/ - Memlekettik-jeke seriktestiktiń tabystylyǵyn anyqtaıtyn negizgi faktorlardyń biri jeke seriktesti tańdaýda ashyq kommertsııalyq orta aıasynda ashyq jáne básekelestik úderisin qamtamasyz etý bolyp tabylady.
Bul keshe Almatyda ótken І «Qazaqstandaǵy memlekettik-jeke seriktestik» dep atalatyn konferentsııada aıtyldy.
«Qazirgi tańda ınfraqurylymdyq oblıgatsııa shyǵarýda memlekettik-jeke seriktestiktiń 2 jobasy jumys jasaýda. Olar - "Dosjan temir joly" AQ-nyń Shar-Óskemen jolynyń qurylysy men "BatysTranzıt" AQ-nyń "Soltústik Qazaqstan-Aqtóbe" elektr jetkizý jelisi. Quny 30 mıllıard teńge bolatyn alǵashqy jobanyń merzimi 23 jyl. Al ekinshi jobanyń 18,8 mıllıard teńge bolatyn oblıgatsııalyq shyǵarymynyń merzimi 13 jyldy qurap otyr", - deıdi "Memlekettik annýıtettik kompanııa" ómirdi saqtandyrý kompanııasy" AQ-nyń Basqarma tóraǵasy Nurjan Alımýhambetov. Onyń aıtýynsha, memlekettik-jeke seriktestik jobalaryn júzege asyrý 3 kezeńnen turady. Tolyq memlekettik kepildik; Memlekettik sýbsııadııalyq jaýapkershilik daıyn nysannyń aktıvin qamtamasyz etýmen tolyqtyrylady; Baǵaly qaǵazdar shyǵarý. Onda ınvestor artyqshylyqty aktsııalardyń paıdasyna qatysady. Jalpy memlekettik-jeke seriktestik quraldary qarjylyq jáne ekonomıkanyń naqty sektorlarynyń qyzyǵýshylyǵyn jalǵastyratyn birden-bir qural. Ondaǵy kiristilik 8-9 paıyz deńgeıde bolýy múmkin. Oǵan kepildik kólemi de engiziledi.
