Qazirgi sátte respýblıkalyq mańyzy bar joldardyń barlyǵy ashyq tur
ASTANA. QazAqparat - Qazirgi sátte respýblıkalyq mańyzy bar kúre joldardyń barlyǵy ashyq tur, dep habarlaıdy QazAqparat QazAvtoJoldyń baspasóz qyzmetine silteme jasap.
«Demalys kúnderi QazAvtoJoldyń biryńǵaı táýlik boıy jumys isteıtin call-ortalyǵynyń qyzmetkerleri respýblıkalyq avtojol paıdalanýshylarynan kelip túsken 1500-den astam qońyraýdy qabyldady. Qysqy kútip-ustaý jumystary shtattyq rejımde jalǵasýda. Respýblıkalyq mańyzdaǵy tasjoldardyń barlyǵy ashyq» delingen habarlamada.
Kompanııa málimetinshe, ótken demalys kúnderi respýblıkalyq mańyzy bar avtojoldardy óńdeý barysynda jolshylar 1000 m3 kóktaıǵaqqa qarsy materıal sepken. Búgin respýblıkalyq tasjoldarda qysqy kútip-ustaý jumystaryn atqarýǵa 312 birlik arnaıy tehnıka jumyldyryldy. Olardyń qatarynda avtogreıderler, shnekorotorlar, qar tazalaıtyn jabdyqtarmen qamtylǵan tıegishter, traktorlar jáne t.b. bar.
Sondaı-aq, atalmysh jumystarǵa 450 jolshy-maman tartylǵan.
