Qazirgi prokattaǵy otandyq fılmderdiń úlesi 5-aq paıyzdy qurap otyr

ASTANA. 21 tamyz. QazAqparat – Búginde Qazaqstannyń kınoprokatyndaǵy otandyq fılmderdiń úlesi 5-aq paıyzdy qurap otyr. Bul týraly búgin Astanada ótken «Qazaqstan jastaryn patrıottyq rýhta tárbıeleýdegi ulttyq tarıhtyń róli» taqyrybyndaǵy jıynda «Qazaqfılm» AQ prezıdenti Ermek Amanshaev málim etti.

Onyń habarlaýynsha, ótken jyly Qazaqstan prokatyna 285 fılm shyqqqan. Sonyń 225-si - AQSh-tyń kınotýyndylary, 48-si reseılik fılmder bolsa, 14-i ǵana Qazaqstanǵa tıesili. «Sondyqtan búgingi kınoprokattaǵy otandyq fılmderdiń úlesi tek 5 paıyzdy ǵana qurap otyr. Bul rette qazaqstandyq fılmderdiń sanyn arttyrýdyń mańyzy zor. Biz 20 paıyzdyq úles týraly aıtamyz. Bul – 40-45 fılm. Ony shyǵarý qıyn bolsa, jylyna 20-25 fılm shyǵaryp, 10 paıyzdyq úlesimizdi saqtap otyrsaq qoı... Básekege aralasýǵa múmkindigimiz bolar edi», - deıdi E.Amanshaev.