«Qazirgi prodıýserlerimizdiń basty maqsaty - toıdyń baǵdarlamasyn jasap, ártisti toıǵa satý» - respýblıkalyq basylymdarǵa sholý
***
Keshe Memlekettik hatshy Muhtar Qul-Muhammedtiń tóraǵalyq etýimen Prezıdent janyndaǵy Sybaılas jemqorlyqqa qarsy kúres máseleleri jónindegi komıssııa otyrysy boldy. Onda qurylys, turǵyn úı-kommýnaldyq sharýashylyq jáne jer qatynastary salalaryndaǵy kókeıkesti máseleler talqylandy. Osy jaıt arqaý bolǵan maqala «Egemen Qazaqstan» gazetiniń senbilik sanynda «Jemqorlyqpen kúreske joıqyn mindet júkteldi» degen taqyryppen berildi. Basylymnyń atap ótýinshe, Elbasynyń bıylǵy naýryzdaǵy Jarlyǵyna sáıkes Prezıdent janyndaǵy Sybaılas jemqorlyqqa qarsy kúres máseleleri jónindegi komıssııa quramyna birqatar ózgerister men tolyqtyrýlar engizilgen. «Qansha aıtylsa da turǵyn úı-kommýnaldyq sharýashylyq, qurylys jáne jer qatynastaryn paıdalaný salalarynda sybaılas jemqorlyq áreketi joıylmaı otyr. Buǵan shyn máninde buǵalyq salatyn ýaqyt ábden jetti. Sondyqtan, atalǵan otyrysta osy salalardaǵy sybaılas jemqorlyqty joıý jáne ony múmkindiginshe azaıtý úrdisin ornyqtyratyn tıisti tetikterdi qoldaný qajettigi aıtyldy. Óıtkeni, bul tetikterdiń tıimdiligine qaraı azamattardyń áleýmettik jaǵdaıy jaqsaratyny belgili», - dep jazady basylym.
Elbasynyń Jarlyǵyna sáıkes quqyq qorǵaý organdarynyń barlyq qyzmetkerleri osy jyldyń aıaǵyna deıin kezekten tys attestattaýdan ótedi. Al attestattaý dúısenbi kúni bastalmaq. Onda qyzmetkerlerdiń kásibı jaramdylyǵy ǵana tekserilip qoımaı, sonymen qatar adamgershilik qasıeti jaǵynan atqaratyn qyzmetine sáıkestigi jáne sybaılas jemqorlyq kórinisterine beıim qyzmetkerlerden arylý tarazyǵa tartylmaq. Ázirge tarazynyń qaı basy basatyny belgisiz. Osy oraıda attestattaýdan keıin jaǵdaı qandaı bolmaq jáne quqyq qorǵaý organdaryna qyzmetke qabyldaý barysynda qaıta attestattaýdan ótkizýdi boldyrmaıtyn, irikteýdiń jańa, joǵary krıterııleri boıynsha talaptar bola ma, joq pa degen sekildi saýaldar týyndaıdy. Soǵan baılanysty Bas prokýratýranyń kadr jumysy departamenti bastyǵynyń mindetin atqarýshy, ádilet aǵa keńesshisi Roza Dosymbekovaǵa jolyqqan «Egemen Qazaqstan» gazetiniń tilshisi tolǵandyrar birqatar suraqqa jaýap alǵan. Suhbat «Shetel tájirıbesi eskerile me?» degen taqyryppen berilgen.
***
«Alash aınasy» gazetiniń turaqty «Dat!» aıdarynda Qazaqstannyń halyq ártisi Roza Rymbaevamen aradaǵy suhbat «Qazirgi bizdiń prodıýserlerimizdiń eń basty maqsaty - toıdyń baǵdarlamasyn jasap, ártisti toıǵa satý» degen taqyryppen berilgen. Basylymnyń barlyq saýalyna tuşymdy jaýap bergen ánshi: «Men alǵash sahnaǵa shyqqan kezimde qazaq sahnasynda bar bolǵany tórt-bes ánshi júretinbiz. Olardyń barlyǵy birneshe halyqaralyq baıqaýdy jeńip alǵan, Qazaqstannyń ónerin talaı ret dúnıejúzine tanytqan ánshiler bolatyn. halyq osyndaı joǵary deńgeıli ánshilerdiń kontsertine jappaı keletin. Qazir bir sahnaǵa 99 ánshi shyǵady, solardyń bári - shetinen juldyz. Sany kóp, sapasy joq. Osyǵan qatty qynjylamyn. Sondyqtan ónerimiz sapaǵa kóshse eken deımin», - deıdi.
***
«Aıqyn» gazetiniń jazýynsha, elimizde artyq salmaq jınap, semizdiń dertine shaldyqqandardyń sany artyp barady. Bul jóninde Taǵamtaný akademııasy málimdep otyr. 2010 jylǵy derekterge sáıkes, elimizde 4 mıllıonnan astam adam semizdik dertine shaldyqqan eken. Al statıstıkalyq derekterge súıensek, jyl saıyn sartyq salmaq jınaıtyn adamdardyń sany 1,2 paıyzǵa ulǵaıady. Qazirginiń ózinde halyqtyń 40 paıyzy semizdik dertiniń zardabyn shegýde. Mamandardyń paıymdaýynsha, semizdiktiń halyqty dendep alýna eń aldymen jyldam daıyndalatyn taǵam túrleri sep bolady. Maqala taqyryby - «Semirip baramyz...».
Osy basylymda Ál-Farabı atyndaǵy Qazaq ulttyq ýnıversıtetiniń kafedra meńgerýshisi, fılologııa ǵylymynyń doktory, professor Qudaıbergen Tursynmen aradaǵy suhbat «Otandyq teleındýstrııaǵa reforma qajet» degen taqyryppen basyldy. Basylym tilshisiniń barlyq saýalyna tuşymdy jaýap bergen ol: «Amal ne, biz kúni búginge deıin efırde kórermenge «emotsıonaldy-ıntýıtıvti» túrde ǵana áser etýge qol jetkizdik. Ekranǵa jarty ǵasyr az merzim emes. Qaı salada bolsyn aýdıtorııaǵa asa tereń, jan-jaqty, maǵynaly jáne mándi málimetterdi bere otyryp, onyń tıimdilik jaqtaryn da esten shyǵarmaýymyz kerek», - deıdi.
***
«Nursultan Nazarbaev keshe jumys saparymen Batys Qazaqstan oblysyna keldi», dep jazady «Kazahstanskaıa pravda» gazeti. Basylymnyń atap ótýinshe, Elbasy óńirdegi jumys sapary baǵdarlamasy aıasynda ındýstrıalyq-ınnovatsııalyq jobalardy júzege asyrýǵa qatysatyn kásiporyndarda boldy. Birinshi ósimdik maıyn shyǵaratyn zaýytqa at basyn tiregen Memleket basshysy odan keıin «Batys Qazaqstan mashına jasaý kompanııasy» AQ-da bolyp, zaýyt ónimderimen jan-jaqty tanysty. Maqala «Kýrsom konkýrentosposobnostı» degen taqyryppen berilgen.
***
Almatynyń Perınatologııa jáne balalar hırýrgııasy ortalyǵynda jańa týǵan úsh náreste kóz jumdy», - dep jazady «Vremıa» gazeti búgingi sanyndaǵy «Fabrıka slez» degen taqyryptaǵy aqparatynda. Basylymnyń atap ótýinshe, osy qaıǵyly oqıǵadan keıin ortalyq shuǵyl arada jabylǵan. Maqalada balasynan aıyrylǵan analardyń sózderi de qosa berilgen.
***
Zeınetaqy qoryn qalaı tańdaý kerek ári bul rette neni basshylyqqa alǵan jón? Bul saýaldarǵa «Lıter» basylymy búgingi nómirinde jarııa etken «Proschıtyvaı pensııý» degen taqyryptaǵy maqalasynda jaýap berýge tyrysqan. Sonymen qatar bilikti mamandardyń da paıymdaryn bergen.
