Qazirgi oqýshylar bilimge baılanysty aqparattyń den kópshiligin ekrannan alady - Ahmetjan Esimov

«Halyqaralyq sarapshylardyń aıtýynsha, álemdegi ǵylymı-tehnıkalyq bilimniń mazmuny 3 jyl saıyn túbirimen ózgerip otyrady eken. Demek, ondaı qarqynǵa ilesý úshin mektepterdegi bilim mazmuny da jyl saıyn tolyǵyp, al muǵalim óz bilimin kún saıyn jetildirip otyrýy kerek. Qazirgi oqýshylar bilimge baılanysty aqparattyń basym bóligin, keıbir derekter boıynsha 60 %-dan astamyn, ekrannan alady eken. Demek, olar mektep oqýlyǵyna da, muǵalim bilimine de úlken salmaq túsiredi», - dedi Almaty qalasynyń ákimi Ahmetjan Esimov. Onyń aıtýynsha, Almaty sııaqty bilim, mádenı ortalyqtyń ulanyn tárbıeleýde oqytýshylardyń mindetteri odan saıyn aýyrlaı túsetini sózsiz. Sondyqtan Almaty mektepteriniń muǵalimi bolý bir jaǵynan abyroıly is bolsa, ekinshi jaǵynan qıyndyǵy men jaýapkershiligi zor qyzmet. Onyń ústine, biz ómir súrip otyrǵan ýaqyt - únemi tyń kózqarasty, jańashyldyqty qazirgi tilmen aıtsaq, ınovatsııalyq tehnologııany talap etetin kezeń.

«Táýelsizdik jyldarynda Almaty qalasynda 42bilim berý nysandary iske qosyldy. Onyń ishinde: 19 jańa mektep ashylyp, 5 mektep jańa ǵımaratqa kóshti, 5 mektepke qosymsha ǵımarat salyndy, 1 mektep-ınternat ashyldy. Sondaı-aq sońǵy 3 jylda 10 balabaqsha iske qosyldy. Sonyń nátıjesinde bilim berý uıymdarynyń jalpy sany 561-ge jetti. Al jańa úlgidegi gımnazııa men lıtseılerdiń qatary 1-den 74-ke deıin ósti», - deıdi A.Smaǵululy. Shahar basshysynyń sózine qaraǵanda, 20 jylda qazaq mektepteriniń sany 7-den 50-ge jetip otyr. Al qazaq tilinde oqıtyn balalardyń sany 8 mynan 70 myńǵa artty. Onyń ishinde 1500 orys, káris, ýkraın sııaqty ózge ult ókilderiniń balalary da bar. Sondaı-aq mektepke deıingi bilim berý uıymdarynda qazaq tilinde oqıtyn balalardyń sany 7 myńnan 20 myńǵa, kásiptik lıtseıler men kolledjderdegi oqýshylar 2,5 myńnan 31 myńǵa ósti. Endigi maqsat, bilim men tárbıe sapasyn arttyra otyryp, álemdik báskelestikke laıyq bilim júıesin qalyptastyrý bolyp otyr.