Qazirgi kúni memlekettik elektrondyq satyp alýlar portaly eń kóp paıdalanylatyn nusqanyń birine aınalyp otyr - Q. Esekeev
Búgin QR Parlamenti Májilisinde ótken Úkimet saǵatynda Aqparattandyrý jáne baılanys agenttiginiń tóraǵasy Qýanyshbek Esekeev osylaı málim etti, dep habarlaıdy QazAqparat.
Agenttik tóraǵasynyń aıtýynsha, 2010 jyldyń basynan beri qaraı, elektrondyq memlekettik satyp alýlar veb-portalynda 43 myń 285 qatysýshy tirkelgen. Bunyń ishinde, 19 myń 491-i tapsyrys berýshi, 17 myń 782-si uıymdastyrýshy jáne 23 myń 347-si áleýetti tasymaldaýshylar bolyp tabylady. Agenttik málemetterine qaraǵanda, aqpan aıynyń 23-indegi jaǵdaı boıynsha elektrondyq saýda alańynda barlyǵy 581 myń 613 lot jarııalanǵan. Sonymen birge, 138 myń 572 lot boıynsha nátıjeler bekitilgen.
Jalpy, baǵalyq usynystar ádisi boıynsha satyp alýlar jasalǵanda ortasha únemdeletin qarajat 5 mlrd. 620 mln. teńgeni nemese 23,78 paıyzdy quraıdy.
