Qazirgi Konstıtýtsııa is júzinde avtorıtarlyq sýperprezıdenttik bılik ornatty – senator

NUR-SULTAN. QazAqparat – Prezıdenttiń el Konstıtýtsııasyna ózgeris engizýdi jalpyhalyqtyq referendým arqyly júzege asyrý týraly usynysy órkenıetti elderdiń ustanymyna saı. QR Parlamenti Senatynyń depýtaty Murat Baqtııaruly osyndaı pikir bildirdi, dep habarlaıdy QazAqparat.

«Shynynda da, ekinshi Konstıtýtsııa 1995 jyly 30 tamyzda jalpyhalyqtyq referendým arqyly qabyldanǵan edi. Sodan beri 27 jyl ýaqyt ótipti. Oǵan qanshama ózgertýler engizildi? Elimizdiń bul bas zańy bıliktiń úsh tarmaǵynyń tepe-teńdigin tek qaǵaz júzinde ustap, al is júzinde avtorıtarlyq sýperprezıdentik bılik ornatty. Demokratııanyń negizgi prıntsıpteri buzyldy», - deıdi Murat Baqtııaruly.

Depýtattyń aıtýynsha, qazir jaǵdaı múldem bólek.

«Prezıdenttiń basty ustanymy - halyqtyń únine qulaq asatyn, bir-birinen táýelsiz Atqarýshy, Zań shyǵarýshy jáne Sot bıligin ornatý. Búkil órkenıetti elderdiń ustanymy osyndaı», - deıdi senator.

Demokratııanyń budan basqa joly joq ekenin aıtqan Murat Baqtııaruly: «Sondyqtan da, Prezıdentimizdiń jalpyhalyqtyq referendým arqyly Ata zańǵa ózgerister engizý týraly usynysy - tarıhı-saıası sheshim bolyp qalatyny sózsiz», - dep túıindedi.