Qazirgi kezde Qazaqstan kontrtsıkldy ekonomıkalyq saıasat júrgizýde - Q.Kelimbetov
ASTANA. QazAqparat - Qazaqstan búginde kontrtsıkldy ekonomıkalyq saıasat júrgizýde. Bul týraly KTK telearnasynyń «Halyq qyzmetshisi» baǵdarlamasyna suhbat bergen QR Ulttyq bankiniń tóraǵasy Qaırat Kelimbetov málim etti.
Makroekonomıkalyq jaǵdaıǵa toqtalǵan UB basshysy, «Qazaqstannyń altyn valıýtalyq qory 17 paıyzǵa artty. Ótken jyly ınflıatsııa 6-8 paıyz jyldyq dálizde 7,4 paıyz bolsa, bıylǵy mamyrdyń qorytyndysy boıynsha 4,3 paıyzdy qurady», - dedi ol.
Onyń sózine qaraǵanda, byltyr ekonomıkalyq ósim 4,3 paıyzǵa jetse, bıylǵy tórt aıda onyń deńgeıi 2,2 paıyzǵa jýyqtady.
«Biz beriktilik qorynyń arqasynda syrtqy qysymdy eńserdik», - dedi Kelimbetov.
Osy oraıda ol Qazaqstannyń rezervteri qalpyna kelip, eki esege artqanyn aıta kele: «Biz qordy maqsatsyz jumsap otyrǵan joqpyz. Qazirgi kezde kontrtsıkldy saıasatty júrgizýdemiz. ıAǵnı, jaqsy jyldary memleket qarjyny saqtap, ony qıyn jyldary ekonomıkalyq ósimdi qoldaý úshin paıdalanady», - dep túıindedi UB basshysy.
Bul óz kezeginde syrtqy faktorlardyń teris yqpalyn tómendetýge baǵyttalǵan sharalar bolyp tabylady.
