Qazirgi gaz baǵasyn ustap turý taǵy 6 aıǵa uzartylmaq

ASTANA. QazAqparat – Suıytylǵan gazdyń qoldanystaǵy shekti baǵasyn 2023 jyldyń shildesine deıin qaldyrýdy kózdeıtin buıryq jobasy talqylanýda, dep habarlaıdy QazAqparat tilshisi.

Qujat qabyldansa janar-jaǵarmaı stansalaryndaǵy suıytylǵan gazdyń baǵasyn retteý tetigi 2023 jyldyń 30 maýsymyna deıin uzarmaq.

Qazir qoldanylyp júrgen 5 shildedegi buıryq boıynsha, sıuytylǵan gazdyń shekti baǵasy Astana úshin lıtrine 70 teńge, Almaty úshin 65 teńge jáne óńirler úshin 50-den 75 teńgege deıin dep belgilengen.

Óńirlerdegi baǵaǵa jeke toqtalsaq, soltústiktegi shalǵaı aýdandarda baǵa 75 teńgeden, batystaǵy munaı men gazǵa baı aýdandarda 50 teńgeden bekitilgen.

2023 jyldyń 1 qańtaryna deıin kúshinde bolǵan. Endi ony taǵy 6 aıǵa uzartý usynylyp otyr.

Qujat 12 jeltoqsanǵa deıin kópshilik talqylaýynda bolady.