Qazirgi bıýrokratııa bizge qolbaılaý bolyp otyr - Bas prokýror Asanov
«Sońǵy jarty jyldyń ishinde biz biraz bastamany bastappyz. Osy oraıda xalyq tarapynan suraq týyndaýy múmkin. Ol bastamalardyń nátıjesi qashan bolady? Olar nemen bitedi? Meniń aıtarym, joq, bizdiń bastamalarymyz aıaqsyz qalmaıdy. Jarty jyldyń ishinde biz 40-tan astam jobany qolǵa aldyq. Árıne, odan da kóp bolýy múmkin. Biraq bizge óte qatty kedergi jasap otyrǵan bir másele bar. Ol mynaý kúndelikti jumys, sol bıýrokratııamen, qaǵazbasty sharýamen, jalpy adamǵa da, memleketke de túk qajeti joq jumyspen biz qazir kúresip jatyrmyz. Sondyqtan nátıje bolady», - dedi J.Asanov kásibı memlekettik apparatty qalyptastyrý máselelerine arnalǵan jıynda.
Onyń aıtýynsha, búginde Bas prokýratýranyń bastamasymen qolǵa alynǵan árbir jobaǵa belgili bir maman jaýap beredi. Sondaı-aq ár bastama boıynsha jospar bar. J.Asanov atqarylyp jatqan sharalardyń nátıjesin únemi jarııalap otyrýǵa ýáde berdi.
