Qazir jurtshylyq arasynda «Qara jorǵa» dep bılep júrgen «Qos kúreń» nemese «Sal kúreń» dep atalatyn halyq kúıi -Aqedil Toıshanuly
ALMATY. 16 tamyz. QazAqparat - Qazir qalyń jurtshylyq arasynda «Qara jorǵa» dep atalyp bılenip júrgen kúı múlde basqa. Ony Muhtar Áýezov atyndaǵy ádebıet jáne óner ınstıtýtynyń zertteýshileri Mońǵolııaǵa jasaǵan ǵylymı ekspedıtsııasy kezinde anyqtady.
«Ekpedıtsııa barysynda qazaq halqynyń «Jorǵa aıý» bıi el arasynda áli de ómir súrip otyrǵandyǵy jańa ǵylymı nysan retinde alǵash ret anyqtaldy. Bul bıdi bıleýshiler «Jorǵa aıý» kúıin dombyrada oryndap, onyń shyǵýy tarıhy týraly ańyzdy aıtyp bılegen. Ony bıleýshiler tek bir aýylda ǵana emes, qaıta arasy alshaq ornalasqan ár aımaqtan jolyǵyp otyrdy. Onyń býyn rıtmi men mımıkasynyń ózara uqsastyǵy zertteýshilerdi qatty tańdandyrdy», - deıdi deıdi ekpedıtsııanyń jetekshisi Aqedil Toıshanuly.
Fılologııa ǵylymdary kandıdatynyń aıtýynsha, «Jorǵa aıý» bıin oryndaǵan ónerpazdar búgingi tańda el arasyna jańa árleýmen taralǵan «Qara jorǵa» bıiniń kúıi men býyn rıtmi múlde ózgerip ketkendigin tilge tıek etken.
El arasyndaǵy bıshilerdiń sózine qaraǵanda, qazirgi qaýymnyń «Qara jorǵa» dep bılep júrgen kúıi «Qos kúreń» nemese «Sal kúreń» dep atalatyn halyq kúıi. Al «Qara jorǵa» kúıiniń múlde basqa ekenin aıtyp, ǵalymdarǵa bul kúıdi tartyp kórsetip, onyń kóne nusqasyn ózderi bılep bergen.
