Qazir jemqorlyqty naqty joıýdyń ornyna, protsesti bıýrokratııalandyrý júrip jatqanyn kórip otyrmyz - Prezıdent

NUR-SULTAN. QazAqparat - Qazir sybaılas jemqorlyqty naqty joıýdyń ornyna, protsesti bıýrokratııalandyrý júrip jatqanyn kórip otyrmyz. Bul týraly QR Prezıdenti Qasym-Jomart Toqaev Sybaılas jemqorlyqqa qarsy is-qımyl máseleleri jóninde keńeste aıtty, dep habarlaıdy QazAqparat.

«Qazir sybaılas jemqorlyqty naqty joıýdyń ornyna, protsesti bıýrokratııalandyrý júrip jatqanyn kórip otyrmyz. Tapsyrysty oryndaýshyny tańdaýǵa birneshe aı ketedi, biraq báribir sapa men adaldyq jetispeıdi. Qoldanysta bar normatıvtik súzgilerge qaramastan, qandaı tender bolsyn, ony kim jeńetini kóbine belgili bolyp turady. Máselen, eki jylda «Qazavtojol» tehnıkalyq qadaǵalaý qyzmeti 99 satyp alý konkýrsyn ótkizgen. Olardyń teń jartysyn úlestikke qatysy bary aıqyn tórt kompanııa jeńip alǵan. Al elimizde akkredıtatsııadan ótken eki myńnan astam uıym men sertıfıkattalǵan alty myńnan astam sarapshy bar. Sondyqtan halyqaralyq deńgeıdegi kompanııalardyń memlekettik satyp alýlarǵa sırek qatysatynyna tańǵalýǵa bolmaıdy», – dedi Prezıdent.