Qazir Ýkraına buqaralyq aqparat quraldarynda eń kóp talqylanatyn taqyryp - daǵdarystyń ekinshi tolqyny
ALMATY. Qyrkúıektiń 8-i. QazAqparat /Erlik Erjanuly/ - Álemdik ekonomıkada endi keri ketý bolmaıdy. Tek onyń ósý qarqyny baıaýlaıdy. Ony Forex club kompanııasy tobynyń taldaýshylary búgin Almatyda ótkizgen baspasóz máslıhatynda aıtty,
dep habarlaıdy QazAqparat.
"Qazir Ýkraına buqaralyq aqparat quraldarynda eń kóp talqylanatyn taqyryp - daǵdarystyń ekinshi tolqyny. Bul másele árıne ózge elderde de belgili bir dárejede sóz bolyp jatqany kúmánsiz. Alǵashqy kezekte olar AQSh ekonomıkasynyń dınamıkasyn tilge tıek etedi. Óıtkeni AQSh ekonomıkasy qansha degenmen álemdik ekonomıkanyń lokomotıvi. Onyń jyldyq kólemi 13 trıllıon dollardy quraıdy. Damýshy elderdiń ekonomıkasy onyń sońynan júredi", deıdi Forex club kompanııasy tobynyń Ýkraınadaǵy aqparattyq taldaý tobynyń jetekshisi Nıkolaı Ivchenko. AQSh-taǵy jalpy ishki ónimniń ósý qarqyny 2008 jyldyń 2-shi toqsany men 2009 jyldyń 1-shi toqsany aralyǵyndaǵy kezeńde kúrt tómendep, odan keıin 2009 jyldyń 3-4 toqsandarynda jyldam ósken bolatyn. 2010 jyldyń 1-2 toqsandarynda ósim qaıtadan baıaýlaı bastady. Nıkolaı Ivchenkonyń aıtýynsha, ony AQSh ekonomıksynyń keri ketýi deýge múlde bolmaıdy. Bul ósimniń baıaýlaýy ǵana. Ony boıamalap jatqan buqaralyq aqparat quraldary ǵana.
