Qazir teńbe-teń teorııa ulttyq ekonomıkada da, álemdik ekonomıkada da joq - Rýslan Grınberg
ALMATY. 14 sáýir. QazAqparat /Erlik Erjanuly/ - Tájirıbesiz teorııa - óli, al teorııasyz tájirıbe - soqyr. Bul týraly búgin Almatyda ótip jatqan 7-shi Halyqaralyq táýekel-menedjmenti konferentsııasynda aıtyldy.
«Qazir teńbe-teń teorııa ultyq ekonomıkada da, álemdik ekonomıkada da joq. Biz tek eki ýtopııalyq sáıkestiktiń ólimin ǵana qurastyra alamyz. Olar keńestik josparlaý úndestigi men erkin naryq úndestigi. Jańa doktrınada ákimshilik jospardyń aıqyn jeńilisi men naryqtyq fýndamentalızmniń 20 jyldyq ústemdiginiń eskerilýi qajet. Ókinishke oraı, ekonomıkanyń teorııalyq mektebi barlyq jerde birdeı kúshti emes», - deıdi Reseı ǵylym akademııasynyń Ekonomıka ınstıtýtynń dırektory Rýslan Grınberg.
Halyqaralyq menedjment akademııasy prezıdentiniń aıtýynsha, Reseıdiń mektebi aıtarlyqtaı qýatty. Ol saıasatta da aıqyn ańǵarylýda. Qazir jańa ekonomıkalyq teorııa jasaýǵa áreketter jasalýda. Máselen, ol óz áriptesterimen birigip ekonomıkalyq teorııanyń jańa baǵytyna aınalǵan ekonomıkalyq áleýmettik dınamıka erekshe ǵylymı tujyrymdamasyn jasap otyr.
