Qazir muǵalimder jalaqyǵa qatysty másele kótermeıdi – Ashat Aımaǵambetov
Oqý-aǵartý mınıstri Ashat Aımaǵambetov Shyǵys Qazaqstan oblysyna jumys saparymen kelip, jergilikti halyqpen kezdesti. Sondaı-aq sapar barysynda ol Óskemen qalasyndaǵy «Jaıly mektep» jobasy aıasynda salynyp jatqan mektepter qurylysyna daıyndyq jumystarymen tanysyp, «Rahat» balabaqshasynda boldy.
«2019 jyly «Pedagog mártebesi týraly» zań qabyldandy. Bul zań kóp nárseni ózgertti. Mektep, kolledj muǵalimderiniń, balabaqsha tárbıeshileriniń jáne qosymsha bilim berý salasy qyzmetkerleriniń jalaqysyn kóterý sııaqty birneshe baǵytta jumys júrgizildi. Ulttyq statıstıka bıýrosynyń málimeti boıynsha sońǵy 3 jylda muǵalimniń jalaqysy 2 eseden asa ósken. Kelesi jyly qańtarda bilim berý qyzmetkerleri men pedagogtardyń eńbekaqysy qosymsha taǵy 25 paıyzǵa artady», - dedi Ashat Aımaǵambetov oblys halqymen kezdesýinde.
Mınıstr qazirgi ýaqytta atqarylyp jatqan jumystarǵa qysqasha toqtalyp, kópti tolǵandyrǵan saýaldarǵa da jaýap berdi.
«Búginde muǵalimder jalaqyǵa qatysty máseleni esh kótermeıdi deýge bolady. Olar tarapynan negizinen normatıvtik quqyqtyq aktiler, baǵalaý júıesi jáne sapany qamtamasyz etý týraly aıtylyp jatady. Áriptesterim men ata-analardyń qoıǵan suraqtarynyń qatty ózgergendigi meni qýantady», - dedi Oqý-aǵartý mınıstri.
