Qazir laýazymdy tulǵalar qarjy polıtsııasy organdaryna ózine para berý usynystary týraly ózderi habarlaıtyn bolǵan - Qarjy polıtsııasy
ASTANA. QazAqparat - Qazir laýazymdy tulǵalar qarjy polıtsııasy organdaryna ózine para berý usynystary týraly ózderi habarlaıtyn bolǵan. Bul týraly búgin Ortalyq kommýnıkatsııalar qyzmetinde ótken brıfıngte Qazaqstan Respýblıkasynyń Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń birinshi orynbasary Andreı Lýkın málim etti.
Onyń aıtýynsha, búginde para alý faktisi tómendegenmen, para berý faktilerin ashý 2 esege kóbeıgen (97-den 160-qa deıin).
«Qazir kóp jaǵdaıda laýazymdy tulǵalar qarjy polıtsııasy organdaryna ózine para berý usynystary týraly ózderi habarlaıtyn bolǵan. Bul qarjy polıtsııasynyń sybaılas jemqorlyqtyń aldyn alýda jasap jatqan jumystarynyń nátıjesi deýge bolady», - dedi A. Lýkın.
Onyń aıtýynsha, Qarjy polıtsııasy memlekettik organdar men uıymdarǵa sybaılas jemqorlyq sebepteri men jaǵdaılaryn joıý úshin shamamen 400 usynys joldaǵan.
«Olar boıynsha ár túrli memlekettik qurylymdardyń 300 qyzmetkeri jaýapqa tartylyp, 100 laýazymdy tulǵa jumystan shyǵaryldy. Qoǵamda sybaılas jemqorlyqqa degen tózbeýshilik baıqalady. Sybaılas jemqorlyqpen kúresýge járdemdesken tulǵalardy kótermeleý týraly ereje shyqqannan beri, 170 tulǵaǵa 19 mln. teńge syıaqy tólendi», - dep atap ótti A. Lýkın.
Sondaı-aq, onyń málimetinshe, azamattardyń habarlaýymen 200-den astam qylmystyq is qozǵalyp, olardyń barlyǵy sotqa joldanǵan.
