Qazir kóbine jalǵyzbasty adamdarǵa kómektesip jatyrmyz – volonterler
«Bizdiń Ulttyq volonterlik jeli ashqan senim telefony týraly aıta ketsem deımin. Tótenshe jaǵdaı kezinde bizge kómek surap, 2 myńnan astam adam qońyraý shaldy. Árıne, zeınet jasyndaǵy adamdar da habarlasyp jatty. Biz 851 otbasyna kómektestik. Tizim jasap, volonterler sol boıynsha kómektesti. Bir ret kómek alyp, endi basqalarǵa kómektesińizder degen adamdar da bolǵanyn atap ótý kerek», - dedi Vera Kım OKQ onlaın baspasóz máslıhatynda.
Vera Kım qazirgi ýaqytta jalǵyzbasty adamdarǵa kóbirek kómek berilip jatqanyn aıtady.
«Qazir jalǵyz qalǵan adamdar ómirdiń qıyndyǵymen betpe-bet kelip turǵanyn aıta ketý kerek. Ondaı sanattaǵy adamdardyń birazy - egde jastaǵylar. Olarǵa bir ret aparylǵan azyq-túlik 1-2 aptaǵa jetýi múmkin. Keıde bizge ekinshi ret habarlasatyn zeınetkerler de bolady. Ondaıda qarajatymyz bolsa, mindetti túrde baryp, azyq-túlik aparyp beremiz», - deıdi ol.
Eske sala ketsek, buǵan deıin «Ulttyq volonterler jelisi» ZTB tóraǵasy birlestiktiń 2010 jyly qurylǵanyn, jeli 80-ge tarta volonterlik uıymnyń basyn biriktiretinin aıtyp bergen edi.
