Qazir Qazaqstandaǵy ǵylym ekonomıka múddesi úshin jumys istemeı tur - depýtat
ASTANA. QazAqparat - Qazaqstan Respýblıkasy ǵylymdy damytý úshin jyldan jylǵa qarjylandyrý deńgeıin arttyryp otyrǵanymen, elimiz boıynsha 400-ge jýyq ǵylymı uıym baryna qaramastan, qazir qazaq ǵylymy eldiń ekonomıkasyn údetýge úles qosa almaı otyr. Búgin «Ǵylymı jəne (nemese) ǵylymı-tehnıkalyq qyzmet nətıjelerin kommertsııalandyrý týraly» QR Zańyn tanystyrýǵa arnalǵan «Nur Otan» partııasyndaǵy brıfıng barysynda Parlament Məjilisiniń depýtaty Ýəlıhan Bıshımbaev osylaı dep málimdedi.
«Qazaqstan jańa jahandyq naqty ahýalda: Ósý. Reformalar. Damý» atty bıylǵy Joldaýynda Memleket basshysy Qazaqstan ekonomıkasynyń ınnovatsııalyq əleýetin arttyrý kerek degen tapsyrma júktedi. Mine, bul maqsatqa ǵylymı-ınnovatsııalyq júıeni tıimdi damytý arqyly ǵana qol jetkizýge bolady. Biraq, ókinishke oraı, Qazaqstanda ǵylymı zertteýlerdi óndiriske engizý məselesi əli sheshimin tapqan joq, al, bul qoǵam tarapynan synǵa ushyrap otyr. Ǵylymdy qarjylandyrý deńgeıi jyl saıyn artyp kele jatqanyna qaramastan, elimiz boıynsha 392 ǵylymı uıym bar ekenine qaramastan, əzirge ǵylym el ekonomıkasynyń múddesi úshin jumys istemeı tur. Bıznes tarapynan ǵylymı jobalarǵa degen suranys az, ǵylym óz aldyna, óndiris óz aldyna damyp, aralary keıde ǵana toǵysady»,-deıdi depýtat. Ý.Bıshımbaev atap ótkendeı, qazir ǵylymı jobalardyń, ǵylymı zertteýlerdiń barlyǵy laboratorııadan asa almaıdy, tek biren-saran jobalar ǵana óndiriske qosylady. Al, ǵylymdy kommertsııalandyrýdyń basty maqsaty - ǵylymı jobany daıyn ónimge aınaldyrý. -Ǵylymı jobany daıyr ónimge aınaddyrý úshin ǵalym da, óndiris te, ınvestorlar da jumyla jumys isteý kerek, - deıdi depýtat. «Osy məseleni sheshý úshin, «100 naqty qadam» Ult josparynyń 64-shi qadamyna saı, «Ǵylymı jəne (nemese) ǵylymı-tehnıkalyq qyzmet nətıjelerin kommertsııalandyrý týraly» jańa zań əzirlengen edi. Endi osy zań jobasy ınnovatsııalyq zertteýlerdi óndiriske engizý úshin ǵylymdy qarjylandyrý tetikterin kózdeıdi»,-dedi Ý.Bıshımbaev.
