Qazir qaı óńirdegi joldar jabyq
NUR-SULTAN. QazAqparat - Aýa raıynyń qolaısyzdyǵyna baılanysty birqatar respýblıkalyq mańyzy bar jol jabyldy, dep habarlaıdy QazAqparat «QazAvtoJol» baspasóz qyzmetine silteme jasap.
Shyǵys Qazaqstan oblysyndaǵy «Úsharal-Dostyq» jolynyń 83-184 shaqyrymynda, Kóktýma-Dostyq aýyldarynyń arasynda kólik qozǵalysyna ýaqytsha shekteý qoıyldy.
Sonymen qatar Soltústik Qazaqstan oblysynyń «Tımırıazevo-Qostanaı oblysynyń shekarasy» jolynyń 0-32 shaqyrymy Tımırıazevo aýyly men Qostanaı oblysynyń shekarasy aralyǵy barlyq kólik túrleri úshin jabyq.
«QazAvtoJol» kompanııasynyń málimetinshe, qazirgi tańda respýblıkalyq mańyzy bar avtojoldarda 599 arnaıy tehnıka jumys isteýde.
Jolshylar júrgizýshilerge jol erejesin saqtaýdy, ruqsat etilgen jyldamdyqty asyrmaýdy, qaýipsiz qashyqtyqty saqtaý qajettiligin eskertedi.
