Qazir qarttyq qýanysh emes degen túsinik ózgerýde - akademık T. Sharmanov
ALMATY. 22 qarasha. QazAqparat - Qazirgi tańda qarttyq qýanysh emes degen túsinik ózgerýde.
Qazaq taǵamtaný akademııasynyń prezıdenti, medıtsına ǵylymdarynyń doktory, akademık Tóregeldi Sharmanov búgin Almatyda «Qazirgi Qazaqstandaǵy ǵylymnyń ınnogvatsııalyq damýy jáne qajettiligi» degen taqyryppen ótip jatqan jas ǵalymdardyń VI Halyqaralyq ǵylymı konferentsııasynda osylaı aıtty.
«Jastarmen kezdesý úlken jaýapkershilikti qajet etetin jaǵdaı. Óıtkeni jastar bizdiń bolashaǵymyz, olar qoǵamymyzdy, ultymyzdy baqytqa jeteleıdi. Sondyqtan sizdermen kezdesýdi men úlken jaýapkershilik kezeńi dep sanap, tolǵanys sezimmen kelip otyrmyn», - deıdi T. Sharmanov. Akademıktiń aıtýynsha, qazir medıtsına adamnyń ómir súrý jasyn uzartýda kóp jetistikerge jetti. Buǵan deıin 20 myń jyl boıy adamzattyń damýynda 20-ǵasyrǵa deıin ortasha ómir súrý uzaqtyǵy 30 jas boldy. Máselen 1927 jylǵy alǵashqy sanaqta erlerdiń ortasha ómir súrý uzaqtyǵy erlerde - 33, áıelderde 31 jasty quraǵan. Qazir qarttyq qýanysh emes degen túsinik múlde ózgerdi. Amerıkandyqtar jastar baqytty ma, qarııalar baqytty ma degen másele boıynsha zertteý júrgizgen kórinedi. Onyń qorytyndysyna qaraǵanda, jastarǵa qaraǵanda qarııalar baqytty ǵumyr keship jatqany anyqtalǵan.
