Qazir elimiz ózgeris tabaldyryǵynda tur - pedagog

QARAǴANDY. QazAqparat - Qazir elimiz ózgeris tabaldyryǵynda tur. Aldaǵy saılaý týraly Qaraǵandy oblysy Shahtınsk qalasyndaǵy №1 gımnazııanyń ınformatıka pániniń muǵalimi Stanıslav Falejınskıı osylaı málim etti, dep habarlaıdy QazAqparat oblys ákimdiginiń saıtyna silteme jasap.

9 sáýirde QR Prezıdenti 2019 jylǵy 9 maýsymda ótetin kezekten tys Prezıdent saılaýy týraly jarııa etip, halyqqa úndeý joldaǵan bolatyn.

«Qasym-Jomart Toqaev durys aıtty: «Halqymyz - birtutas. Táýelsizdigimizdiń eń joǵary qundylyǵy retinde memleketimizdiń irgesi myǵym»... Ol solaı qalýy tıis.
Al biz bolsaq búgingi tańda bizge óz oı-pikirimizdi, óz qalaýymyzdy bildirýge - memleketimizdiń basshysyn tańdaýga múmkindik bergenin naqty túsinýimiz kerek. Qazaqstan egemendiginiń, Kóptegen jyldar boıy bizdiń barlyǵymyz - Elbasy bastaǵan halqymyz qurǵan jáne búginde barlyǵymyz maqtan tutatyn qazaqstandyq táýelsizdiktiń máni osynda», - dedi Stanıslav Falejınskıı.
Onyń aıtýynsha, Qazaqstan úlken ózgeristiń aldynda tur.

«Qazir elimiz ózgeris tabaldyryǵynda tur. Biz qabyldaǵan sheshimge bolashaǵymyz, balalarymyzdyń bolashaǵy baılanysty ekenin túsinýimiz kerek. Sebebi Qazaqstan beıbitshilik pen tózimdilikti ustana almaǵan kórshilerimiz sekildi, qısyq jolmen júrmeýi kerek. Bizdiń halqymyz - Uly dalanyń balalary, ǵasyrlar boıy ata-babalarymyz tárbıelep, boıymyzǵa sińdirip ketken danalyqty, barlyq jaqsy qasıetterdi kórsetýimiz qajet», dedi Stanıslav Falejınskıı.