Qazir ekonomıkalyq teorııa kafedrasy T. Rysqulov atyndaǵy QazEÝ-de ǵana bar - Álı Ábishev
ALMATY. 4 qarasha. QazAqparat /Erlik Erjanuly/ - Qazaqstanda qazir ekonomıster daıyndaıtyn oqý oryndary arasynda ekonomıkalyq teorııa kafedrasy Qazaqtyń Turar Rysqulov atyndaǵy ekonomıka ýnıversıtetinde ǵana bar. Bul týraly búgin ýnıversıtetiń oqytýshy-ǵalymdaryna Sankt-Peterbýrg ýnıversıtetiniń professory, ekonomıka ǵylymynyń doktory Vıktor Rıazanov júrgizgen dáris kezinde aıtyldy.
"Keshe Almatyda QR UǴA Akademıgi, oqytýshy-ǵalym, bilgir ekonomıst ıAhııa Áýbákirovty eske túsirýge arnalǵan «Ekonomıka ǵylymynyń ádisnamasy, teorııasy jáne praktıkasy» dep atalatyn halyqaralyq ǵylymı-tájirıbelik konferentsııa boldy. Oǵan kórshi Vıktor Tımofeevıch qurmetti meıman retinde qatysty. Almatyǵa tuńǵysh ret kelip otyrǵan áıgili ǵalymǵa ekonomıka ǵylymynyń teorııasy men ádisnamalyq máseleleri jónindegi óz oıyn tarqatyp aıtyp berý úshin qolqa salǵan edik», - deıdi T. Rysqulov atyndaǵy QazEÝ rektory Álı Ábishev. Onyń aıtýynsha, qazir ekonomıka teorııasy boıynsha mamandar daıyndaý máselesi tyǵyryqqa tirelip tur. Bul úrdisten Qazaqstan da syrt qalǵan joq.
