Qazir bizde «tıispeýshilik» quqyǵyna ıe eshkim joq – Májilis tóraǵasy
NUR-SULTAN. QazAqparat - QR Parlamenti Májilisiniń tóraǵasy Erlan Qoshanov BAQ ókilderiniń Almatydaǵy «Altyn orda bazarynyń» taǵdyry týraly suraqqa bergen jaýabynda elimizde «tıispeýshilik» quqyǵyna ıe adam joq ekenin málim etti, dep habarlaıdy QazAqparat tilshisi.
«Eń birinshiden, Almaty oblysynyń ákimi Qanat Bozymbaevtyń Almatydaǵy «Altyn orda» bazary týraly suhbatyn kórgen joqpyn. Altyn orda bazaryna qatysty qazirgi ýaqytta tergeý amaldary júrip jatyr. Menińshe, ádiletti sheshim shyǵady. Kútý kerek. Meniń oıymsha, qazir derbes quqyǵy bar, «tıispeýshilik» quqyǵyna ıe eshkim joq. Sol sebepti bazardyń bastyǵy nemese jetekshisi bolsyn, qylmys jasasa, ol tıisti jazasyn alady», - dedi Májilis spıkeri.
Sondaı-aq, ol «Amanat» partııasynyń atynan prezıdent saılaýyna túsý týraly jospary joq ekenin aıtty.
