Qazir bizde kórshi eldermen salystyrmaly túrde myqty jáne álsiz bılik túsinigi bar - Prezıdent Ákimshiliginiń ishki saıasat bólimi meńgerýshisi
ALMATY. Mamyrdyń 21-i. QazAqparat /Erlik Erjanuly/ - Bizdiń bılik pen demokratııaǵa qandaı syn aıtylsa da báribir alǵa jyljyp kele jatyrmyz.
Búgin Almatyda ótip jatqan «Qazaqstan Respýblıksasy: memlekettik qurylystyń tájirıbesi jáne áleýmettik-saıası jańarýdyń bolashaǵy» dep atalatyn halyqaralyq ǵylymı-tájirıbelik konferentsııada osylaı aıtyldy, dep habarlaıdy QazAqparat.
«Qazir bizde kórshi eldermen salystyrmaly túrde myqty jáne álsiz bılik túsinigi bar. Eldegi turaqtylyq pen turaqty ekonomıkalyq damýymyz jáne búkil qoǵamǵa degen qatynasymyz bizdiń bıliktiń tıimdi jumysynyń nátıjesi. Buǵan yqpal etken qoǵamdyq birlestikterdiń, qoǵamdyq ınstıtýttar men Qazaqstan qoǵamynyń árbir azamatynyń qatysýy», deıdi QR Prezıdenti Ákimshiliginiń ishki saıasat bólimi meńgerýshisiAıkenje Smaǵulqyzy. Onyń aıtýynsha, bul konferentsııa damýdyń jańa jolyn izdeý, bılikti jetildirý men memlekettegi qurylymdardyń ózara baılanysyn nyǵaıtýdaǵy úlken suhbat alańy. Oǵan qatysýshylar munda ózara pikir men úzdik tájirıbelerin almasýǵa múmkindik alady.
