Qazir barlyq vaktsınalar tıimdi – qaraǵandylyq dáriger

QARAǴANDY. QazAqparat – Ekpe saldyrý qanshalyqty tıimdi, vaktsına alýǵa qarsy kórsetilimder men ózińizdi qaýipti vırýstan saqtaýdyń tásilderi qandaı osy sııaqty bir top suraqqa Qaraǵandy qalasy №4 emhananyń dárigeri Nurǵaıyn Batralına jaýap berdi.

- Adamzat ár indet pen ólimge ákeletin aýrýlarǵa ár túrli tótep berdi jáne vaktsınalar men dári-dármekter oılap tapty. Al qazirgi vaktsınalar qanshalyqty tıimdi?

- Qazir barlyq vaktsınalar tıimdi. Sonyń ishinde KVI vaktsınalary. Álemde sheshek, oba sııaqty aýrýlar bolǵan kezde, kóptegen adamdar vaktsınanyń tıimdiligine senbedi. Alaıda ýaqyt óte kele ol ekpeler adamzatqa kómektese alatyndyǵyna kóz jetkizdik. Barlyq nanym-senimderge qaramastan, adamzat vaktsına arqyly sheshek, oba pandemııasyn jeńdi.

- Kópshilikti vaktsınany oılap tabý jáne ony óndirýge az ýaqyt ketkeni alańdatady. Siz vaktsınalardyń áserin kórip otyrsyz ba?

- Máskeý birden salynbaǵan, sondyqtan bul jaǵdaıda vaktsına birden oılap tabylǵan joq. Vaktsınalardy jasaýshylar óte tájirıbeli adamdar. Bul kóp ýaqytty qajet etedi. Bárine belgili, koronavırýstyq ınfektsııa burynnan bar. Vaktsınanyń áseri aıqyn, vaktsınatsııalanǵan halyq arasynda koronavırýstan kóz jumǵandar azaıa tústi.

- Vaktsınalar arasynda qandaı aıyrmashylyq bar? Óndirýshi el quramy men senimdiligine áser ete me?

- Barlyq vaktsınalar birdeı. Olardy ajyratatyn jalǵyz nárse – vaktsınany jasaý júıesi jáne óndirýshi el.

- Vaktsınatsııa bastalǵanda ony balalar men qarttar, júkti áıelder qabyldaýǵa bolmaıtyny aıtyldy. Al qazir barlyǵy vaktsınatsııalanýda. Bul qaýipti emes pe?

- 18 jasqa tolmaǵan balalarǵa biz ekpe jasamaımyz. Egde jastaǵy adamdar qaýip tobyna jatady, sondyqtan eger olarda qarsy kórsetilim bolmasa, biz vaktsınatsııalaımyz.

- Qandaı janama áserler bolýy múmkin? Vaktsına aǵzaǵa áser ete me?

- Janama áserler bolýy múmkin: dene ystyǵy kóterýliý, ınektsııa ornyndaǵy aýyrsyný nemese álsizdik. Biraq asqynýǵa keletin bolsaq, vaktsınadan keıin mundaı jaǵdaılar tirkelgen joq

- Vaktsınatsııaǵa qarsy kórsetilimder qandaı?

- Vaktsına júkti jáne bala emizetin áıelderge, dári-dármekter men preparattarǵa allergııasy bar naýqastarǵa, 18 jasqa tolmaǵan balalarǵa salynbaıdy. KVI-men aýyrǵan adamdar vaktsınany saýyqqan sátten bastap 3 aıdan keıin ala alady. Sozylmaly aýrýlary bar naýqastar, esepte turǵan adamdar, eger aýrý órshý satysynda bolsa, onda bul adamdarǵa da qarsy kórsetilgen.

- Al sozylmaly aýrýlary bar jáne vaktsınatsııaǵa qarsy kórsetilimderi bar adamdar ne isteýi kerek? Olarǵa ózin koronavırýs juqtyrýdan qalaı saqtandyrýy tıis?

- Barlyq sanıtarlyq normalardy saqtaý: kóp adam jınalatyn oryndarǵa barmaý, betperde kııý, 1.5-2 metr áleýmettik qashyqtyqty saqtaý, qoldy antıseptıkpen óńdeý. Salaýatty ómir saltyn ustaný: nárli jáne paıdaly tamaqtaný, durys uıqy, sýdy kóp ishý.