Qazir aýrýdyń 14 myń túri bar - akademık Tóregeldi Sharmanov
MATY. 16 qyrkúıek. QazAqparat /Erlik Erjanuly/ - Medıtsına qazir jyldam jańaryp, baǵyt baǵdary ózgerip kele jatyr. Ony QR UǴA akademıgi, medıtsına ǵylymdarynyń doktory Tóregeldi Sharmanov búgin Almatydaǵy Sanjar Asfendııarov atyndaǵy Qazaq ulttyq medıtsına ýnıversıtetindegi Qasen Qojaqmetov atyndaǵy Jattyǵý daǵdylary ortalyǵynyń ashylý rásiminde aıtty.
"Qazirgi medıtsına burynǵydan múlde bólek. Endi ol eskertýshi, sezýshi bolýy kerek. Biz osy ýaqytqa deıin belgili bolǵan aýrýlardy emdeýshi emes, aldyn alýshy bolýmyz qajet genetıkalyq múmkindikter bazasy arqyly. Búgingi tańda 14 myń aýrý bolsa, sonsha ádisteme bar. Sondyqtan dári-dármekter de ózgeshe bolý kerek", - deıdi Qazaq taǵamtaný akademııasynyń prezıdenti Tóregeldi Sharmanov.
Áıgili ǵalymnyń aıtýynsha, Sanjar Asfendııarov atyndaǵy Qazaq ulttyq medıtsına ýnıversıtetinde ashylyp otyrǵan Qasen Qojaqmetov atyndaǵy Jattyǵý daǵdylary ortalyǵynyń Qazaqstan ǵana emes búkil TMD elderinde teńdesi joq. Ol endi bolashaq dárigerlerdiń tájirıbelik daǵdylaryn qalyptastyrýǵa ólsheýsiz úles qosatyn bolady. Bul emniń qaýipsiz, sapaly jáne dál bolýyn qamtamasyz etpek. Sondyqtan el ıgiligine qyzmet etip, bilim salasyna ǵana emes búkil densaýlyq saqtaý júıesine óz yqpalyn tıgizetin bolady.
