Qazir arab elderinde jańarýdyń úshinshi tolqyny júrip jatyr- S.Ákimbekov.
ALMATY. 2 naýryz. QazAqparat /Erlik Erjanuly/ - Jańarý kezeńinde arab elderinde ǵalamdyq ózgerister boldy.
Bul búgin Almatyda "Arab daǵdarysy: sebebi, qaýip-qaterleri, saldary" degen taqyrypta ótken sarapshylar máslıhatynda aıtyldy.
"Qazir biz arab elderinde jańarýdyń úshinshi tolqynyn kórip otyrmyz. Birinshisi, postkolonııalyq kezeńde, al ekinshisi sotsıalıstik solshyl kezeńde boldy. Jańarý kezinde halyqtyń aýyldan qalaǵa qonys aýdarýy ulǵaıdy. Sonyń nátıjesinde bilim berý men densaýlyq saqtaý salalary ósip, halyqtyń ómir súrý deńgeıi arta tústi. Halyqtyń úlken kólemde qalalyq jerlerge shoǵyrlanýy eń aldymen dástúrli otbasylyq qoǵamdyq qatynastardy ózgertti", - deıdi QR Tuńǵysh Prezıdenti qory janyndaǵy Álemdik ekonomıka jáne saıasat ınstıtýtynyń dırektory Sultan Ákimbekov.
Saıasattanýshy ǵalymnyń aıtýynsha, bul úrdis qazir Qazaqstanda da kórinis tabýda. Qalalyq jerdegi jańa áleýmettik top "qalalyq kedeıler" degen termındi qalyptastyryp otyr. Sondaı-aq Qazaqstanda aıqyn ańǵarylmasa da, Ózbekstan, Tájikstan sııaqty kórshiles elderde áleýmettik-ekonomıkalyq máseleleriniń oń sheshimin tappaýynan radıkaldy ıslamdyq kóńil-kúıdegi adamdardyń jańa bir toby qalyptasýda. Bul qazirgi kezde arab elderinde sharyqtaý shegine jetip otyr. Óıtkeni ondaǵy jańarý kezeńderinde bılikke tek belgili bir toptar ǵana kelip, ózgeleri odan shettetilip keldi.
