Qazir adamnyń ómir súrý jasyn 120 -ǵa deıin uzartý múmkin bolyp otyr - V.Havınson
ALMATY. Tamyzdyń 13-i. QazAqparat /Ádilet Musahaev/ - Qazir aýrýdyń damý jaǵdaıynyń aldyn alyp, aǵza tamyrlaryna belsendi áser ete alatyn qabileti bar peptıdtik bıorettegishtiń kómegimen adam aǵzasynyń qartaıý úderisin baıaýlatyp, onyń ómir súrý deńgeıin 120 jasqa deıin jetkizýge bolady.
Bul jaıynda búgin Sankt-Peterbýrgtyń bıorettegish jáne gerantologııa ınstıtýtynyń dırektory Vladımır Havınson jýrnalıstermen kezdesýi barysynda aıtty, dep habarlaıdy QazAqparat.
Resmı túrde tirkelgen uzaq jasaǵan adamnyń jasy - 122. V.Havınson qazirgi ýaqytta myńdaǵan adam bul jas mólsherin qaıtalaıtynyna senimdi. Onyń aıtýynsha, peptıdti bıoretteýishti qoldaný ýaqyttan erte qartaıýdy jáne jas shamasyna baılanysty aýrýlardy emdeýde tıimdi múmkindik beredi.
V.Havınsonnyń otyz jyldan astam ýaqyt ǵylymı zertteýi barysynda Reseı, AQSh, Japonııa sekildi elderdiń patentimen qorǵalaǵan 40-qa jýyq geroprotektorly dári-dármek jasalǵan.
Onyń bastamasymen «Reseı halqynyń qartaıýyn tejeý, bıologııalyq sebepterden bolatyn ólimdi azaıtý jáne eńbekke jaramdy jurttyń ómirin uzartý» baǵdarlamasy jasalǵan. Ǵylymı nátıjeler dúnıejúzilik jáne eýropalyq gerontologııa men geratrııa kongresinde tanystyrylyp, tolyq maquldaýyna ıe bolǵan.
Búgingi kúni peptıdti bıoretteýish QR Densaýlyq saqtaý mınıstrliginde resmı túrde qýattalǵan.
