Qazir adamdar TikTok pen Facebook qaraıdy, bir betten asatyn mátindi oqymaıdy - Prezıdent

NUR-SULTAN. QazAqparat – Memleket basshysy Qasym-Jomart Toqaev qazirgi jastar men olardyń qyzyǵýshylyǵyna qatysty pikir bildirdi, dep habarlaıdy QazAqparat tilshisi.

«Bizde úlken jazýshylar bar. Degenmen kórkem ádebıetke, onyń ishinde ásirese zamanaýı kórkem ádebıetke. qazirgi jastardyń óte az bóligi ǵana qyzyǵýshylyq tanytatynyn bárimiz bilemiz», - dedi Prezıdent.

Sondaı-aq, Memleket basshysy qazirgi jastarǵa qatysty óz oıyn jetkizdi.

«Qazir adamdar TikTok pen Facebook-ti qaraıdy. Biraq olarlyń 1 betten artyq aqparatty oqýǵa shydamy jetpeıdi. Olar aqparat tek mátin túrinde emes, vızýaldyq kúıde tutynady. Bul úlken problema. Ókinishke qaraı, álde múmkin baqytymyzǵa oraı deýimiz kerekk te shyǵar, biz de osyǵan beıimdelýimiz kerek», - dedi Qasym-Jomart Toqaev «Habar 24» telearnasyna bergen suhbat barysynda.

Buǵan deıin Prezıdent jaǵympazdyq tanytý týraly ne oılaıtynyn aıtqan edi.

Sondaı-aq, Memleket basshysy Almaty qalasynyń ákimi Baqytjan Saǵyntaevty ornyna alýǵa qatysty pikir bildirgen edi.

Odan bólek, Qasym-Jomart Toqaev Almaty qalasy ataýynyń ózgertýge qatysty túsinik berdi .