Qazir 7 elden qazaq tarıhyna qatysty materıaldar jınalýda - Eraly Toǵjanov

ALMATY. 12 qazan. QazAqparat - Almatyda Qazaqstan halqy Assambleıasy Tóraǵasynyń orynbasary - QR Prezıdenti Ákimshiligindegi Hatshylyq meńgerýshisi Eraly Toǵjanovtyń tóraǵalyq etýimen Qazaqstan halqy Assambleıasy keńesi músheleriniń jıyny ótip jatyr.

Oǵan QHA Keńesiniń músheleri, respýblıkalyq jáne qalalyq etnomádenı birlestikterdiń basshylary, QHA Ǵylymı-sarapshylyq keńesiniń músheleri qatysýda. Bul basqosýda QHA keńesiniń keńeıtilgen otyrysyna daıyndyq máselesi qaralyp, E.Toǵjanovtyń atqarylǵan jumystar týraly esebi tyńdaldy.

Tóraǵa orynbasarynyń aıtýynsha, qazir ult tarıhyna qatysty materıaldar álemniń 7 elinde jınaqtalyp jatyr. Sondaı-aq, Qazaqstandaǵy ulystardyń tarıhy da zertteý nysanasyna aınalýda. Materıaldar jınaýǵa etnomádenı birlestikter belsendi túrde atsalysyp, qolda baryn qarashaǵa deıin jınaqtaý qajet. Etnomádenı ortalyqtar budan basqa memlekettik tildi meńgerýge de aıryqsha kóńil bólýi tıis. Óıtkeni ózgeler 70 jylda úırene almaǵandy qazir keıbir azamattar birneshe aıda meńgerýde. QHA Keńesinde bıyl Ońtústik Qazaqstan oblysynyń ákimi men Eńbek jáne halyqty áleýmettik qorǵaý mınıstriniń esebin tyńdaıtyn bolady. Byltyr Pavlodar oblysynyń ákimi men Bilim jáne ǵylym mınıstriniń esebi tyńdalǵan bolatyn.